زمن الفيس؛؛؛
آه منك وآه يا زمن الفيس
انا شوفت كتير ياما عليك..
وكتير شوفت جنون مهاوييس..
فيك متربى و صاحب مبدأ
وفيك ياما زباله مناجيس...
آه منك وآه يا زمن الفيس
يا زمن الضمير التيس..
آه منك وآه يا زمن الفيس
يا زمن شياطين فرحانه
قاعد بيخطط ويرسم لها ابليس...
ماسك لنا كاس فاضى هوا
بيوهمنا بميه لحد ما جف اللسان
وشبع البدن تعطيش...
آه منك وآه يا زمن الفيس
زى القرداتى بيسرح بينا
مضحك ناس وملبسنا عروسة وعريس..
آه منك وآه يا زمن الغيس
يا زمن الافترا والباطل
قص ولصق وتلبيس...
كان يوم اسود يوم ما جيتو
قدمكم شؤم ومناحيس...
ودى عريانه مين يسترها
وصاحبنا التانى بيعاكس
خاص من فضلك وبليز..
عش زحمه ووشوش دبابير
وكله بيلسع فى التانى
قال ايه لاجل بلدنا تعيش...
عمرها كده ما هتتقدم لحظة
ومش بالتخوين والطيش...
آه منك وآه يا زمن الغيس
ضيعت معاك كم دولة
بحجة حرية على عيش.
وهما تماثيل مأجورة
من غير روح متحركه بالفيش..
برافو عليك كده يا خواجة نجحت
وخليت عقولنا فى تهميش...
آه منك وآه يا زمن الفيس
ضيعت كتابى اللى بحبه
وثقافة بتصفى فى تفليس.
فينك يا زمن الادب والفكر
دلوقتى ماسكو الاقلام ملاحيس..
راح فين الوقت الضايع
اللى كان غالى علينا ونفيس..
آه منك وآه يا زمن الفيس
ضيعت ورخصت الرجالة
ورفعت فينا كل خسبس..
آه منك وآه يا زمن الغيس
عرفوا يضحكوا بيه علينا
وقعدنا فى وشه لحد الصبح
مبطوطين وزى الكيس..
روح جاتك نيله وزنك بقى طن
وعايزله كم سنه تخسيس...
فين لما كنت بتجرى زمان
بالك رايق عايش طاير زى الريش..
لو كان فينا ظهرت حمير وجعانه
ليه نشجعها ونزرع ليها ياما حشيش.
آه منك وآه يا زمن الغيس
يا زمن الحزم المتغطيه ومتلمعة ورنيش.
يا زمن الصداقة سلامها بعد الغياب لايك
وصله الرحم رنه والكدب اصول
ولازم يكون مع النفاق تحابيش..
آه منك وآه يا زمن الفيس
يا زمن الاستهزاء بالدين
والسخرية والطيش...
آه منك وآه يا زمن الفيس
يازمن الاسماء وهميه
و الطراطير نعسانه
والفار مدارى بينخر
والصراصير فى الخيش...
آه منك وآه يا زمن الفيس
غوروا يا غرب بقى خربتوها
وشبعنا من الخبيث تلطيش..
لو دى كده هى الحضارة
بالسلامة فى داهيه وفي غاره
سكه اللى يروح ما يجيش..
آه منك آه يا زمن الفيس
هى مفيش غير بلدى
نازلين رزع و تلوييش..
نفسى مره انام مرتاح
واحس انى انا موجود وبعيش...
آه منك آه يا زمن الفيس
يا زمن زفه كدابة عل الفاضى
وكل ما عينى تيجى تشوف
بناء اخلاق تلاقيه خلص بح مفيش...
بقلم مراد مصطفى مراد
آه منك وآه يا زمن الفيس
انا شوفت كتير ياما عليك..
وكتير شوفت جنون مهاوييس..
فيك متربى و صاحب مبدأ
وفيك ياما زباله مناجيس...
آه منك وآه يا زمن الفيس
يا زمن الضمير التيس..
آه منك وآه يا زمن الفيس
يا زمن شياطين فرحانه
قاعد بيخطط ويرسم لها ابليس...
ماسك لنا كاس فاضى هوا
بيوهمنا بميه لحد ما جف اللسان
وشبع البدن تعطيش...
آه منك وآه يا زمن الفيس
زى القرداتى بيسرح بينا
مضحك ناس وملبسنا عروسة وعريس..
آه منك وآه يا زمن الغيس
يا زمن الافترا والباطل
قص ولصق وتلبيس...
كان يوم اسود يوم ما جيتو
قدمكم شؤم ومناحيس...
ودى عريانه مين يسترها
وصاحبنا التانى بيعاكس
خاص من فضلك وبليز..
عش زحمه ووشوش دبابير
وكله بيلسع فى التانى
قال ايه لاجل بلدنا تعيش...
عمرها كده ما هتتقدم لحظة
ومش بالتخوين والطيش...
آه منك وآه يا زمن الغيس
ضيعت معاك كم دولة
بحجة حرية على عيش.
وهما تماثيل مأجورة
من غير روح متحركه بالفيش..
برافو عليك كده يا خواجة نجحت
وخليت عقولنا فى تهميش...
آه منك وآه يا زمن الفيس
ضيعت كتابى اللى بحبه
وثقافة بتصفى فى تفليس.
فينك يا زمن الادب والفكر
دلوقتى ماسكو الاقلام ملاحيس..
راح فين الوقت الضايع
اللى كان غالى علينا ونفيس..
آه منك وآه يا زمن الفيس
ضيعت ورخصت الرجالة
ورفعت فينا كل خسبس..
آه منك وآه يا زمن الغيس
عرفوا يضحكوا بيه علينا
وقعدنا فى وشه لحد الصبح
مبطوطين وزى الكيس..
روح جاتك نيله وزنك بقى طن
وعايزله كم سنه تخسيس...
فين لما كنت بتجرى زمان
بالك رايق عايش طاير زى الريش..
لو كان فينا ظهرت حمير وجعانه
ليه نشجعها ونزرع ليها ياما حشيش.
آه منك وآه يا زمن الغيس
يا زمن الحزم المتغطيه ومتلمعة ورنيش.
يا زمن الصداقة سلامها بعد الغياب لايك
وصله الرحم رنه والكدب اصول
ولازم يكون مع النفاق تحابيش..
آه منك وآه يا زمن الفيس
يا زمن الاستهزاء بالدين
والسخرية والطيش...
آه منك وآه يا زمن الفيس
يازمن الاسماء وهميه
و الطراطير نعسانه
والفار مدارى بينخر
والصراصير فى الخيش...
آه منك وآه يا زمن الفيس
غوروا يا غرب بقى خربتوها
وشبعنا من الخبيث تلطيش..
لو دى كده هى الحضارة
بالسلامة فى داهيه وفي غاره
سكه اللى يروح ما يجيش..
آه منك آه يا زمن الفيس
هى مفيش غير بلدى
نازلين رزع و تلوييش..
نفسى مره انام مرتاح
واحس انى انا موجود وبعيش...
آه منك آه يا زمن الفيس
يا زمن زفه كدابة عل الفاضى
وكل ما عينى تيجى تشوف
بناء اخلاق تلاقيه خلص بح مفيش...
بقلم مراد مصطفى مراد
ليست هناك تعليقات:
إرسال تعليق