بغنى ع الشط موالى..... من كلمات الشاعر / سيــد الدابــى

****** بغنــى ع الشــط موالــى ****** كلماتى
جايلك يا بحر ..
أشكيلك أنا همى
أشكيلك جرح الهوى
وبُعد الحبيب عنى
طالب منك دوا
يداوينى يصبرنى
حبيبى ساكن قلبى
وليه هو ناسينى
طال الفراق يا بحر
وهجره نار بتكوينى
بعت له الف جواب
ولا رد مراسيلى
ياموجة بحر الهوى
مشتاقه له عينى
روحى يا موجة لضى العين
روحى لحبيبى وقولى له
حبيبك ع الشط
بيغنى مواويله
******************************
حبيبى .........
عملت أيه أنا فيك
قول لى عاتبنى
ليه خليتنى أتعلق أنا بيك
لما أنت ناوى تهجرنى
وأسهر ليالى طوال
احكى مع القمر عنك
من كتر كلامى عليكى
غار القمر منك
لأجل م أنا عاشقه
بشوف فى طلته وشك
واتغزل فى سحر عينيك
ورسمة الحاجب
ولّا جمال رمشك
وأطبع شفايف الأمل
ببوسه على خدك
واميل أدوق العسل
سايل على فمك
أنا يا حبيبى للمدى عاشقك
وعاشق أكون غريق بحرك
وانام واصحى أشوف الهنا
والفرحة على وشك
واقضى العمر معاك
وانا فى حضنك
وأكون سلطان الهوى
قاعد على عرشك
******************************
بغنى ع الشط موالى
من كلمات الشاعر / سيــد الدابــى
حقوق النشر والملكية محفوظة