(عجـــبى)
قوللى ليه :
فيه ناس تعبانه
و ناس هيمانه
ناس جعانه و ناس شبعانه
ناس حزينه و ناس فرحانه
ناس مش لاقيه الهدوم
و ناس هايمه فى حرير
ناس مش لاقيه المنام
و ناس عايمه ع السرير
ناس بتختم مصيرها
و ناس مش عارفه المصير
ناس بتقول يا حيط دارينا
و ناس بتقول يا مين يعادينا
ناس بتدور ع المحبة
و ناس تأذى وتستخبى
ناس بتخاف من ضلها
و ناس حاسه ان محدش قدها
ناس بتعمل حساب الموت
و ناس بتقول :اهى ايام وتفوت
ناس خايفة من يوم الحساب
و ناس مش عارفة حتى الجواب
ناس فاكره انها من تراب
و ناس جاهله بالقبر والعذاب
ناس عارفه ان الدنيا ثراب
و ناس ناسية وقفتها للحساب
يا بن ادم امتى هتفوق م الغيبوبه
يابن ادم دى الدنيا كلها سبوبة
يابن ادم اصحى من نومك وقوم
يابن ادم اعرف ان عمرك ابدا ما هيدوم
بقلم الشاعر :سامح ايليا
ليست هناك تعليقات:
إرسال تعليق