ياخائنة علاش غدرتيني
ياخائنة علاش غدرتيـــــــــــني
القلب سامحك وأنت ما بغيتيني
والعين شافتـك وكذبتيـــــــــني
اليد ما طالتك ومن عالمك محيتيـني
يا ساكنة في الروح بشكون بدلتيني
قربُك مُرار وأنت ما فهمتيـــــــــني
رديتك لقلبي وبغدرك قهرتيـــــــني
وقتاش تفهم كنتي وردة في عيــني
وسكنتك في رموشي وسترتك بديني
حلاوة شفايفك عسل منوا زيدينـــي
ملمسك حرير ولاكيفوا رقة الصينـي
نهودك رمان قابسي من سكروا ذوقتيني
خدودك تفاح فلسطيني بيهم دوختيــــــني
إرجع لصوابك في حضنك خبينـــــــــــــي
ولصدرك الحنين بعطر الريحان ضميـــني
راني إنسان عشقتك وأنت ما نصفتيــــني
بلحظة من الزمن ولاكان بينك وبيـــــــني
العاشق ما يغدر لا في دينك ولا في دينــي
الشك ما عرفتوا إلا بسبب عطرك وزينـــي
ياخائنة علاش ظلمـــــــــــــــــــــــتيني
الزمن غدار وأنت ما راعتيـــــــــــــني
الزمن لقاح ويداوي الأجــــــــــــراح
ولازم يطول الدهر وقدامك تلقيــــــنـي
وعـــــــــــــطر الحب يداويك ويداويني
31-12-2014
بقلم الشاعر:محفوظ الخالدي
ليست هناك تعليقات:
إرسال تعليق