الاثنين، 30 نوفمبر 2015

كتبت هذه القصيدة بعد ثورة 25 يناير مباشرة خط أحمر ******** بقلم // صفحة على جامع

كتبت هذه القصيدة بعد ثورة 25 يناير مباشرة
خط أحمر
********
غربلوا الفكر اللى عشش
فى تلافيف مخكم
ياتقولولنا
مصر دى ماتهمكمش
وان فيه غير حضنها
ميت حضن تانى يضمكم
قولولنا مين كاسر عنيكم
مين كمان بيوزكم ؟؟؟
اظهروا روابط المشاركه مع الفساد
داحنا من عمايلكوا حاسين ان الفساد دا بأسكم
قدروا الجرح اللى بينا
بلاش تجسوا النبض فينا
الخط لاحمر
مليونيه من الغضب
قاعده عليه متربعه
والشعله باقيه مابين ايدينا
قايده لسه مولعه
ولو اتجاوزتوا حدكم
بالشعله دى هانقيد قلوبنا
ونشوى بيها لحمكم
ولعلمكم
لو صح منكوا مافيش ولاء
بلدنا أولى منكم
بلدنا أولى منكم .
مرسلة بواسطة في
التسميات:

ليست هناك تعليقات:

إرسال تعليق

الاشتراك في: تعليقات الرسالة (Atom)