احمد صبري
من بين حدود البلاد
حدودتة و مفقودة
تاهت مواني الفؤاد
اعصابها مشدودة
-
ويا ناوي على جرحي
جرحي بإيه ينفعك
شاهد جمال دبحي
لو موتي هيريحك
-
بختك يا قلبي مفيش
ولا حاجة حلوة تعيش
بس الامل لساه جواك
حتى لو وهم وتناتيش
-
سنينك رحلة مكتوبة
لازم تمشي ولا تبطل
عليك الساعة محسوبة
تفوتك لو هتتعطل
ومهما تخبطك طوبة
وتقطع او تتوصل
تاريخك رحلة منسوبة
يا متهجن يا متاْصل
-
-تقابل مهما هتقابل
لازم تنسى وتتحمل
تشيل فوق ماشايل
وتقول يامين يحمل
ياتكون بين العوايل
و عمرك ما بتتكمل
ياتبقى صاحب جمايل
في كل شيء اجمل
-
سيبك من اللي نسيك
انسى من استندل
لو حد خايف عليك
ديما عليه إساْل
ولما الوجع يناديك
طنش عشان يرحل
ربك معاك يحميك
يمهل ولا تهمل
ليست هناك تعليقات:
إرسال تعليق