بعد صلاة الفجر
محمد خليل
قريت الفاتحة ياجده
وقلت هتوصلك دلوقت
عايز اقولك انا فاكرك
وعمرى ما نسيت صورتك
ولا نسيت
كوبية الحليب الصبح
ولسه فى حضنى احضانك
وفاكر خالعتك لما
زعقوا عليك وينادوا
ود بتك نزل للبحر
كنت الطيبه ياجده
وكنت حنان الام
ولعبنا كتير حواليك
ولما البرد يلسعنا
نيجى لحضنك جرى
نضمينا اقوى للحضن
ولسه الضمه شايلها
وبحتاجها
لما تجينى شوية برد
من يوم الموت ما فرقنا
طعم الدتيا متغير
حاجات كتيره نقصانى
لحد يهموا احولنا
ولا بنعيا ولا بنبرد
ناس ليها عيال تانيه
انت اللى لينا ومشيتى
كان نفسى اقول لولادى
اهى جده اللى ربتنا
من بعد جدتكم ما ماتت
محمد خليل
ليست هناك تعليقات:
إرسال تعليق