الضيف
شعر : زينب سالم عامية
يادي النور يادي النور
يا أهلا بيك وسطينا
يادي الهنا و السرور
استنيناك ياما تجينا
قصدت بيتنا يا هنانا
قصدنا نشيلك جوانا
يا مرحب بيك يا غالي
ضيوفنا جوة عينينا
كل ضيف عندنا غالي
تعالى شوف مقامك عالي
احنا و بس اللي نرحب
احنا في مصر أم التسالي
جوة قلوبنا بيكون مكانك
ده انت في بيتنا مافي مثالك
هتلقى الود و الدفا
دنيتنا سرور و صفا
حتى و ان طالب الشفا
بأرضنا او ميتنا
بهوانا و دنيتنا
مصر دي جنتنا
ولا حد غيرها في بالي
يا اسم وحيد ردده
ربنا في العلالي
ليست هناك تعليقات:
إرسال تعليق