.. ( جوه مني ) ...كلمات : ( حسن الشافعي )

مساؤكم شوق لأرواحكم الراقية ... مساؤكم كله ود
.
تغريدة عاشق بعنوان .. ( جوه مني ) ... ( عامية ) .
.
يا اللي ساكنة جوه مني ...
يا اللي قلت في يوم بإني
هويتك يا ملاكي ...
ومستحيل أبداً أسيبك
ولا قلبي في يوم نساكِ
يا اللي يوم ما افرح وأغني
أغزل الفرحة في هواكِ
يا اللي يوم ميلادي كان ..
لحظة ما قلبي لقاكِ
شفت سعد ..
شفت فرحة لكني ...
ولأني ..
وغصب عني ..
تهتي مني في الزحام ...
بعد ما عنيا شافوكِ
واحتضنتك بالسلام ...
وقلبي بس ليكِ ...
عن النسا هو صام ...
وليل بيسهر في عنيكِ
وقلبي بالمحبة ليكِ قام ...
شاف سما كانت له صافية
والمشاعر هي دافية
وعمر حبي ما كان كلام
بس مني وغصب عني ..
تهتي مني في الزحام
ولسا بردو بتقولي لي
انت عيل في الغرام
واللي بينا حب دافي
كل ود مع انسجام ...
هو قدرك ولا قدري ...؟
ولا قدرنا فيه ملام ...؟
عمري ما أخرج برا منك
مش لضعفي فيك لأنك ....
صلبة مش حاجة هُلام
وصعب أخرج من صلابة
وانتِ مش حاجة مُعابة
بس عيبنا في الظروف
جمعت فرقت بين الألوف
ولو عيني ...
من النسا تشوف ...
عمري قلبي ما يوم يلوف
ولا يألف غيرك أنتِ
ما أنتِ صورتي جوا نفسي
وانتِ انعكاسي في مرايتي
وفي اخر كلامي بقولك ...
انتِ بدايتي ..
وانتِ نهايتي ...
يا اللي ساكنة جوه مني ...
يا اللي قلت في يوم بإني
هويتك يا ملاكي ...
.
كلمات : ( حسن الشافعي )
.

أعجبنيتعليق