لو بينا ألف. .بقلم // الشاعره نور الشروق

لو بينا ألف. . ألف ميل
وقلوب مكتوم . . أنين
وحواجز. . مستحيل
حالفه ما أعيش لحظة وداع
أو ينكسر منى. . الشراع
جوا مراسى . . جميل
مش هقبل سكوت الليل
وان مات النبض فينا
مش هعلن الأنكسار
ههدم جبال الحزن
وأبنى من الألم حلم
شايل لبكرة. . نهار
وأعلنها لكل الكون
رافضه زمانى يكون
غربة ورحيل مختون
ووجع بالف . . لون
هقيد من ضلوعى شموع
وأفرش لك الطريق بدموع
وأبدرة بعمرى وايامى
واداوى سنين جرحي
وابعد عن العذاب فرحي
رأسم ضحكتك احلامى
ولو كان نصيبنا فراق
جوايا بلاد . . عشاق
تضمك . . وتحميك
فارد عليك جناحى
واغطيك بقلبى وروحى
ومالى دنيتك مواويل
لو بينا الف. .ألف ميل
اعديلك بحور وبحور
وازرعلك جناين نور
وارويها بعينيا حنين
وان كان قدرك زمان حزين
هديلك شهور وسنين
وايام فرح . . جاين
مش هرضى بغربه هوانا
او يموت الحنين جوانا
ونتوه مع التايهين
قادره أكمل المشوار
ولو كانت كل خطوة نار
لازم نكون عاشقين
بقلمي // الشاعره نور الشروق