نفسي احبك
احمد صبري
-
نفسي احبك حب ياخدك يخطفك
نفسي اقولك كل كلمة تعرفك
انك انت حلم عمري غنوتي
وان قلبي حس انه بيعرفك
-
انت وبس من غير كلام
تقدر تغير لي حياتي
عنيك تنسيني الالام
حضنك يطوي صفحاتي
وتتفتح بس عشانك
صفحة جديدة مكتوبة
سطر شوقي سطر حنانك
ومن عشقك مفيش توبة
-
الحب لما بيكون حقيقة
بيلحق الروح الرايحة
يغير الدنيا ف دقيقة
يبدل الحزن بفرحة
لو تعرف اد ايه
حضنك نفسي فيه
هتغير كل كلامك
وقلبي تحن عليه
-
يا حبيبي يا ملاك
انا لما بكون معاك
بحس الدنيا بخير
انا بعشقك بهواك
خايف منك اروح
وانت معاك الروح
نفسي معاك اطير
وكل شيء مسموح
-
وكل ما اقول خلاص
قربت تكون معايا
الاقي الحلم خلاص
اصحى الملم منايا
وهعمل ايه اكيد
لكل حلم نهاية
احساسك لو بعيد
احساسي يتوه جوايا
-
انا كل مرة اقول
خلاص قربت مني
اتوه كما مسطول
جوايا شوق تاعبني
حنين ده ولا عذاب
احساس صعب اوصفه
لا قادر على الغياب
ولا قلبي هاحزفه
-
نفسي احبك وانت نفسي تحبني
ارحم عذابي انت خلاص جننتني
حس بيا قرب عشان لازم نعيش
غيرك انت ولا اي شيء بيهمني
ليست هناك تعليقات:
إرسال تعليق