هاداوي جرحك المشقوق .......كلمات محمد سعيد ابوالوفا

هاداوي جرحك المشقوق
والملم فيكي من تاني
وهاطلب حقك المسروق
ولو هاتكوني منعاني
ولو صفك هايبقا وحيد
هاكون ف الصف وحداني
هاجيب صخرك على طينك
وهاعمل منهم البنيان
واصالح شري على خيرك
بدون ماسأل عن الغلطان
مانا طوبة ف تكوينك
وانا اللي اتهد ف البركان
أنا وانتي وشرياني
وشق الأرض بينا عروق
وانا والعقل والمنطق
هانتعلم عشانك زوق
هانبني أم تجمعنا
ومن أي ارتباك هانفوق
صحيح الخير بلمتنا ورايتنا
بلدنا بينا تعلا لفوق
وانا واللي غلط فيكي هانبقا اخوات
هاسمحه لو ده يرضيكي واقول هفوات
انا مني اللي مات غالي وهما عندهم أموات
هاعود نفسي تتسامح ولو سامح رجعنا اخوات
كلمات محمد سعيد ابوالوفا