(((مش هبكي)))///عماد صلاح ///

Emad Salah

3 أكتوبر، 2015

(((مش هبكي)))
*، *، *، *، *، *، *، *
انا مش هبكي
ولا هنهار...
ولا هشرب مر الصبار...
ولا هتحايل
ظنك مايل
ليلك بكره يكون له نهار...
والمشوار...
اللي بديته وانتي معايا....
لازم احط في آخره نهايه...
تليق بكرمتي
تحللي هزيمتي
تمحي أي الأم جوايه...
مهو مش صعب بعادك عندي...
زي النسمه جيتي ورحتي...
ولا بدلتي.......... ولا غيرتي..
ولا قدمتي.........ولا آخرتي...
يعني بعادك شئ كان عادي
حتي ولو انتي اللي اخترتي...
واتكبرتي...
واستكترتي...
فرحي عليا وفجاه بعدتي...
بعدك عادي...
حبك كان غرضي ومراضي...
غرني بحرك...
شدني سحرك...
حبه وهاج الموج الهادي...
كنت بضيغ والبحر بينهش
كل طموحي وانتي قصادي...
شيفه الحب شهيد بيودع
بسمه سخيفة......... وقولتي عادي...
مش هيموت لما ابعد عنه...
واديني ممتش...
متاصرتش...
عمري ما هقبل يوم تبيعيني
وابقي شريكي...
او تتسلي و تلعبي بيا
وأبكي عليكي...
وابقي متيم بيكي واركع
بين رجليكي...
انا مش باكي...
انتي متستهليش اوجاعي...
طب ليه هبكي ومن غير داعي...
لسه البحر كبير مخلصشي
ولسه طموحي شايلها شراعي...
همشي وهرسي وهبني شطوطي
هقتل كل معالم موتي
واللي باقيلك عندي وداعي...
*، *، *، *، *، *، *، *، *، *، *،
///عماد صلاح ///