،،،خمسه واربعين مقلب،،،
اتعودنا كلامنا واحد
وترتب ورا منه امورك
مركه رجوله لسانى واخد
ودا برضه مطلوب ودورك
لما تقولي خلاص بعت
اسمي يتحول لشاري
وجنابك لو مره لعبت
هنرتب والمقلب جاري
واخينا ولا مره صادق
كل كلامه بيرجع فيه
اكمنه على نفسي طابق
هستحمل لازم معاليه
ازى بس اقدر اتكلم
واخينا مديري المباشر
خصم دوغري عليا يعلم
و ف شغلى نفسه حاشر
يوعدني ويقولي حوافز
ويزود شغلي وانا راضي
جري خَلّص خليك راكز
و نهايته يطلع ع الفاضي
يوعدني يقولى هتترقى
وأحضر واحسب ف زياده
ماينوبني غير المشقى
ويوعندي يخلف كالعاده
وطلبت صاحبي يجيني
واتشيك فهم الموضوع
ومديرنا ودانه تسمعني
عايز حد يدير مشروع
بعد الشغل ومنظر بيه
ومديرنا جاهز علطول
ويوماتي يسألني عليه
أصبر. ترتيبه هيطول
بقلم فهد النحراوي
نصيبه يعرف مفيش مشىروع
وانتظاره على الفاضي
هو انت لسه شوفت حاجه
ليست هناك تعليقات:
إرسال تعليق