ليل اسمر
احمد صبري
-
انا التايه في ليل اسمر
بيشبه كل ما فيا
انا العسل لما يمرر
انا جوايا امسية
ومية شاعر متجمعين
وبيقولوا الشعر عليا
طبعا كله كلام حزين
زي قلبي وزي عنيا
-
نصيبي كده ومكتوبي
اعيشها حزين
وتوب الفرحة مش توبي
بقالي سنين
بخاف الضحكة تحزني
ومية احساس بيتعبني
وحبايبي ديما بتسيبنيي
مش عارف اروح لمين
واداري الدنيا وعذابي
واتاري بينتهي شبابي
من ظلم وهجر احبابي
مش عارف رايح فين
-
حقك عليا يا قلبي
ياريت تسامحني
طلع الذنب ذنبي
العيب طلع مني
بحب ناس جارحة
و مشاعرهم رايحة
ازاي هتيجي فرحة
من قلوب بتظلمني
اضحي بكل مافيا
اديهم روحي هدية
وهما بيضحوا بيا
واه يا قلبي واجعني
-
انا التايه في ليل اسمر
والصبرجاب النهاية
مسيري هاقوى واقدر
واكبر على بكايا
واللي باع احساسي
اللي لعب بهوايا
حضنه مش مقاسي
هشيله من الحكاية
ليل اسمر
احمد صبري
-
ليست هناك تعليقات:
إرسال تعليق