"كنت زمان "
..... ...... ..........
زمان مش من كتير
كنت بضحك حتى و أنا حزين
كانو
بيقولو كويس
أقول بتحسدوني على مين
على حظي و لا ضحكتي
ولا هنايا و سعدي
أنا راسم على وشي ضحكه
و القلب مليان أنين
و دلوقت و من يومين
الدموع ماليه العين
حتى البسمه اللى
كانت
مش عارفها هيا فين
طب أرسم ضحكه صفرا
ولا اضحك على
أي ذكرى
أدور جوى مني
ملاقي غير حزن السنين
طب مره
دموعي تطاوعني
و تنزل على الخدين
تغسل همومي و أسايا
تقولي أنزل و أسيبك معقول
طب لما أسيبك هروح لمين ؟ .
بقلم الشاعر : عماد رضا
ليست هناك تعليقات:
إرسال تعليق