( ياقلب الفيس ) بقلم الكاتب : محمد سالم

(ياقلب الفيس )

.......    ..........    .........  ......  .....

ياقلب الفيس

 يامملكة الحنين المُر
مابين جدرانك

 فى أفكارنا صور بتمُر
تخلق فى قلوبنا

 الروح وفينا تغُــــــر

ونسمع صوت لكنه

 سكُوت ونحلم نلتقيه ع البر
يفوت الحلم والتانى

 وقلمك فيك يبوح بالسر
وتكتب نبض أحزانك 

وتصرخ ويا أوهامك عديم الصبر

سراب جدران 

زرع بركان نبت خيره ومات الشر
وفيها العيشة 

بالألوان وقلبك بس فيك ينضر
وتسمع صوت 

لكن جارح يقول إنك عديم الفكر

وتبكى فيك علل 

وتزوم وتتدارى فى حرف الجر
تعيش مفعول 

ولا فاعل يكون عادل يقولك سحر
وتبقى نهاية للفكرة

 ويمكن لو تعود بُكرة تدوق المُر
 

 بقلم الكاتب : محمد سالم