(( من قصص الانبياء )) د/عمرعبدالجواد
....سيدنا سليمان والنملة والضفدع........
في ليلة والدنيا ضلمة..
رأي سيدنا سليمان نملة
و النملة كانت سارحة
و في بقها حبة قمحة
وماشيه هيا في طريقها....
ولا حد ف الدنيا شاغلها
أراد سيدنا سليمان..
يعرف ايه كان غرضها
وراحت تجاه الشط ...
وهناك ضفدع خدها في بقه ونط
و بعد اكتر من ساعة...
رآها النبي راجعة
فسألها ايه كان معاكي ..
.وايه السر اللي وراكي ؟
قالت :
يا نبي الله وانا رايحة..
كان معايا حبة قمحة
و كل ليلة اظل سارحة..
.لما الاقي حبة صالحة
و اجي هنا ع الشط ...
والضفدع يا خدني ينط
و ننزل لقاع البحر ....
لدودة عميا في قلب الصخر
و اديها القمحة وارجع.
.و يشيلني تاني الضفدع
وانا ربى للدودة سخرني...
و الضفدع عليه ينقلني
تعجب سيدنا سليمان ....
من فعل النملة والضفدع كمان
وسألها :
الدودة كانت بتدعي بإيه ؟
و تسبح ربنا بإيه ؟
النملة قالت : الدودة كانت بتقول :
يامن لاتنساني برحمتك
لا تحرم المؤمنين من رحمتك
رد سيدنا سليمان وقال : سبحان الله
يرزق دودة عمياء ...
.فى ليلة ظلماء
على صخرة صماء....
وسخر لها نملة وضفدع في الماء
فسبحان الله ...برحمته .....يرزق من يشاء ؟؟
د / عمرعبدالجواد
ليست هناك تعليقات:
إرسال تعليق