مخبي إيه يا زمن ؟؟........د/عمرعبدالجواد

... مخبي إيه يا زمن ؟؟........د/عمرعبدالجواد
يا تري مخبي ايه يا زمن
الجسم مني انحني والفكر صابه وهن
لا فرح بييجي داري
ولا حد بيا داري
ومهما عيوني بتداري
القلب أعياه الشجن
راحوا فين الحبايب ؟
انا قلبي ف هواهم دايب
الصبر مني اشتكى
والشجر لحالي بكى
وحكايتي عليه تتتحكي
وانت يا قمر غايب ليك زمن
لا أنا بلقاك
ولا قادر يا روحي انساك
كيف أنساك
وانا عايش علي أمل لقياك
اردد ع الدوام اسمك
و اروي كل يوم وردك
يا تري يجيني ردك
و اتهني برؤياك دي عيونك كانت ليا وطن
علمتني يا زمن
لا الصحرا تنبت زهور
ولا الاشواك
يصير ليها ابدا عطور
ولا صاحب الأعذار
يعرف معني الشعور
يفيد بإيه الانتظار
لحبيبك ان كان مغرور
خسارة يا زمن
ف الهوا نضيع عمرنا من غير تمن

د/عمرعبدالجواد