الثلاثاء، 5 أبريل 2016

تيجي نرسم مستقبلنا ...........بقلمي كريم الأسكندراني

تيجي نرسم مستقبلنا
نكتب كل الي في بالنا
نخطط لحياتنا نخليها جنه
تيجي نرسم بيتنا
ال هنقضي فيه باقي حياتنا
تلات اوض وصاله
وقصاد منه محل بقاله
جنب منه عربية فول وطحينه
وعلي صوت الدق
من الفجريه صحينا
ولفرض ربنا صلينا
ولبعض ف سرنا دعينا
ان ربنا لبعض يخلينا
وانا رايح علي شغلي
بوستك علي خدك
وبعد تسع شهور
بقا معانا بنتنا نور
والرزق جاي معاها ملو بحور.
والدنيا بتلف وتدور
وجه علينا الدور
وبقيتني أنسان مشهور
وبيتنا كبير عايش مستور
وبنراضي الغلبان
ونتبرع لعلاج التعبان
وانتي معايا بتقولي أدي كمان
دي مش امولنا اموال الرحمن
والخير كل يوم بيزيد
وجالنا يوسف تاني وليد
وكان يومه يوم عيد
وانا فرحان اووي وسعيد
وعدت الأيام نور دكتورة
ويوسف في الجامعة
وف عيد جوازنا ال 30
بنولع مليون شمعه
ولسه ف عينيكي شايف نفس اللمعه
وبتنزل من عينيكي للفرحه اجمل دمعة
وبقولك انتي لسه سامعه
دقه قلبي ونار الشوق جوايا والعه
دي احلامي ف كل كلامي
بحلم بيها جوه منامي
امتي تتحقق وتحلي
معاكي أيامي
هو دا حلمي السامي
كلي أماني أشوفك قدامي
تيجي نحلم تاني
بقلمي كريم الأسكندراني
صورة ‏كريم الأسكندراني‏.
مرسلة بواسطة في
التسميات:

ليست هناك تعليقات:

إرسال تعليق

الاشتراك في: تعليقات الرسالة (Atom)