من غيرك قلبي ملوش معني والمشهد يقفل بسكوتك والضحكه اللي طفي وجعنا ------------------------ بـقـلـم :- أحـمـد عـبـدالـبـاقـي

ـ مبقولش سلام ـ
ــــــــــــــــــــــــــــ
مبقولش سلام
علشان تزعل وتقلي سلام
وتسيبني لواحدي 
وجوايا متبقي كلام
وتموت فيا وفي مشاعري
بكلام ملهوش أصلا معني
غير إنه بيقتل أحلام
مبقولش سلام
علشان بالرخص تحسسني
كان نفسي بروحك تلمسني
وتقلي أنا ﻻذق م سايبك
منا أرخم أصلا من قلبك
وإن قولتي سلام مليون مره
أنا هفضل برده كده جمبك
ولكنك عاده بتخذلني
وترد بقسوه وتقتلني
وكأنك كنت بتلكك
علي حاجه عشان بس تسيبني
صدقني أنا قولت سلام لكن
كنت اقصد ياحبيبي إمسكني
وإسألني بحنيه أنا مالي
فـ ادلع أكتر وأضايقك
فـ تقلي ردي علي سؤالي
وأجاوبك أنا عاوزه أفارقك
تتمسك بيا وتقرالي
أحلامنا أول ماعرفتك
وتعيد في الذكري اللي مابنا
والضحك بتاعنا علي سخافتك
وتقرب مني وتتبسم
المشهد يقلب لكوميديا
والدمعه بسرعه تتقسم
ودراما في حضنك تجمعنا
تتنهد روحي تسمعنا
من غيرك قلبي ملوش معني
والمشهد يقفل بسكوتك
والضحكه اللي طفي وجعنا
------------------------
بـقـلـم :-
أحـمـد عـبـدالـبـاقـي