الايام بتسرقنا
نبص لنفسنا
ما صدقنا
صحيح
الصوره المعكوسه
تشبهنا
فى الملامح
لكن الشقا
و الالم فيهم
باين وجارح
فين ضخكة العنين
و الشفايف
فين القلب الجرىء
اللى عمره ماكان
ف يوم خايف
ليه الهم صاحبنا
و الوجع بقى
واجبنا
و يزعل قوى
لو يسيبنا
ليه الفرح
بقى قليل
و الحزن تملى
علينا يميل
و جوانا يعبى
و يشيل
و نبص الملامح
هى هى ملامحنا
بعد ما جرحنا و
اتجرحنا
ليست هناك تعليقات:
إرسال تعليق