روحت الفرح
روحت الفرح
كتبها خيرى صابر
روحت الفرح كده من نفسى
وقولت ع الفرقه امسى
قام العريس ومسك فيا
ولقيته جابلى قوام كرسى
وجابلى كوباية شربات
طبق جاتوه مع حلويات
وقاللى نورت فرحنا
داحنا اكتر م الاخوات
بالحضن انا خدته وبوسته
وقولت مبروك لعروسته
وطلعت نقطت الفرقه
كل الفرح انا رقصته
اهل الفرح فرحوا بيا
وسمعونى احلى تحيه
ولقيتنى م الفرحه مزقطط
وقالولى نسمع اغنيه
غنيت لهم احلى اغانى
بقوا يقولولى عيد من تانى
حتى العريس ويا عروسته
بقوا مبسوطين كده علشانى
شوفت العروسه الكتكوته
ع الزفه ماشيه ومبسوطه
وام العروسه ترش الملح
يالا سمعونه بقى زغروته
بقلم الشاعر :خيري صابر
ليست هناك تعليقات:
إرسال تعليق