( في عيونك السود)
في عيونك السود
والرمش ويا الخد
سحر ماله حدود
إحساس كده بيشد
البسمه مرسومة
والنظرة مفهومة
مش لاقي معلومه
أوصف طعامة الشهد
ع الجبهه والحاجب
شعرك بيتعاجب
يرفرف كده سارح
مش عايز أنا حاجب
يبعدني
أنا حابب
أشوف رمشك الجارح
يساعدني
على السهد
مستحيل أنا أوصفك
خايف ما انصفك
أنا بس بعرفك
حبي ليك
فاق الحد
بقلم الشاعر:ابراهيم ممدوح السيد
ليست هناك تعليقات:
إرسال تعليق