( صدمتني الدنيا بقسوتها )
صدمتني الدنيا بقسوتها
من قلبى للحب شلت ورده
حمرها دمى وعذاب الوحده
صدمتنى الدنيا بقسوتها
بصيت حوليه ولقيتها
لبسه توب السواد
ومصره على الحداد
طب ليه
وانا ليها زرعت غيطان
ورود وفل وريحان
وعملتلها من نسيم الربيع الحان
وذوقتها بعقد فل
م الشعر للرجلين
وعشانك يا ست الكل
فرحابك اهه ماشيين
وف رحله الصمت
سمعت قلبى بيدق حب
قلت يا دنيا كفايه
انا يا دوب اتلصمت
من كتر ما دبت حنين
لقيت القلب الى دقلى
ايديه لقلبى مدلى
وادانى وردة بلون الصفا
بيضها لون الاحلام
ولقيتنى حسيت بالدفا
وسمعت من بعيد انغام
وكأن ملايكه لبسين
توب ابيض بلون الحنين
بيغنوا اغانى الحب
وكأنى بعيش ف الجنه
وبعد ما شفت كتير وحده
لقيت ف الاخر معايا قلب
وعرفت كمان معنى الحب
والدنيا قلعت توب الحداد
ولبست توب اببض من بعد سواد
سميته توب الحب الوداد
بقلم : شاعرة الأحلام .
ليست هناك تعليقات:
إرسال تعليق