(صاحب القلب الزجاجى) .بقلم الشاعر : احمد السيد

(صاحب القلب الزجاجى)

 

ياأميره ومش خبيره ولابسه حيره بين عنادك واحتياجى..
فارده نورك أو شعورك بين جفونى وف عيونى
والغناوى والحكاوى والتناجى..
ياسفينه وفيك بهرب من حدودى
وضل عودى
وليكى راجى
ياسكينه ومستكينه لابسه توبك من مرادى
بس لومك ياأميره خلى قلبى جوه وهمى وبره منى وفوق سياجى..
لو تعيدى العمر تانى تلقى فيكى الشوق مكانى
تلقى روحى وليكى تاجى.
ولسه هاجى
وليكى هاجى
.
هتلومينى؟؟
هتلومينى تانى لما.لمت الأيام سهادى؟
رايحه تشكى من عنادى
رايحه تبكى وف عنيهم ألف ضحكه وميت قصيده فى انزعاجى.
لكن انت ياأميره رافضه إنك غير تلومى .
.طب لومينى بس لومك مش مرادى
خلى بالك لو لاموكى..يوم لقانا ..غيره منهم مش عليك
لو لقوكى تايهه منى بيقدونى الف شعله بين ايديك
وف عنيكى بلقى نفسى وحدى عايش فى التناجى
مش حاسسنى غيرك انت
لكن انت فى قصر عاجى .

ليه عنيهم تايهه فيك لما قلبك قال لى هاجى
ليه لامونى الليله لما..طفت الأوجاع سراجى؟
ليه لامونى لما شافوا الوشم باين فوق جبين الوجد راسم كل شوقى وابتهاجى؟
لما عرفوا إنى قاسم كسرة الحب بمزاجى

لو لامونى لملمينى وضمى قلبى ونن عينى
وخلى حلمى فوق جبينك وابعدينى من ظنونك
استحاله انى هخونك
لو سقونى المر يفضل..سر حبك من علاجى
سر حبك من علاجى
 

.بقلم الشاعر : احمد السيد