( ياللى اساكى حنية )
ياللى اساكى حنية ------------ حنانك معرفش اسميه ايه
حنى بس باسية -------------- حنانك بس ماقدرش عليه
بيدوب روحى فيا ------------------ من رقة الرقة فيه
ياملاكى فى شكل انسية -------- حلاوة روحك اسرانى
باهواكى بكل ما فيا ---------- و شقاوة بوحك سحرانى
فى هواكى كل امانيا ---------- وغلاوة عشقك ملكانى
يا دليل سكتى وانوارها --------- يانعيم جنتى واثمارها
يا انس مهجتى وعمارها ------- ياشمس دنيتى وقمرها
ياحس بهجتى بافرحها ----- يا نعم مش عارف اشرحها
امانة ما تغيبى عليا ------------- ضحكى مغلوب انين
تعالى جيبى الحنية --------------- قبل ما ادوب حنين
لاطعم لذاد ولا مية ------------- وشمالى مقلوب يمين
ادى اخرة دلعك ليا ----------- مش طايق بعدك يومين
ماهو يوم بعدك بمية ------------ وليله محسوب سنين
بقلم الشاعر : يوسف ونيس مجع
ليست هناك تعليقات:
إرسال تعليق