( سراب العشق )
هو ليه بنتسأل مع كل جرح 100سؤال
طب وليه لو اتقتل بالحزن فرح يكون حلال
ليه يكون المحتاجين
للفرح دايما مجروحين
مع ان كل العاشقين
داقو حلاوة الوصال
بس برضو بننجرح وبنتسأل مليون سؤال
عمرك تفكر لو عشقت ف يوم يكون حبك سراب
أو يكون الهجر ساكن بين سطورك ف الكتاب
أو حبيبك يوم يسيبك وسط غابة للدياب
تفتكر ده يكون حبيب !؟
هو ده اصعب سؤال
ياللى ناوين تسألونى عن حبيبى اللى هجرنى
مش ح اقول غير انى عايش بعد ما الحب أمرنى
ونفذت أمر الحب فيه
وارتميت ما بين ايديه
وكنت عايش بنور عينيه وكل ده سبنى وكسرنى
وكنت فاهم ان هجره ف يوم محال
تانى جايين تسألونى 100 سؤال
دارى الدموع بين الضلوع ياقلبى وانسى
رغم الالام كتر الخصام فاكرله همسة
همسة حنان مرة زمان!
ايام ما كان عليك بيقسى
وتشيل هموم الحب حمل ولا الجبال
والكل يرجع يسأ لك مليون سؤال
بقلم الكاتب : محمد ماضى
ليست هناك تعليقات:
إرسال تعليق