( وقعدت ارسم بالحروف اسمك ) بقلم الشاعر : شريف الشاعر.

(  وقعدت ارسم بالحروف اسمك )

وقعدت ارسم بالحروف اسمك
وادون في الكتب رسمك
وماوصلتش ومافهمتش
ليه ديمابجيب سيرتك
واقعد افك في دفيرتك
واقول وحشتني اناغيرتك
وتدفيرتك .....
وكحلت عين في تسريرتك
يمكن عشان انا اخترتك
وحبيتك وكبرتك
ودوبت معاك ما خيرتك
وافقت هواك وماشورتك
لحلم كبير زي الطير ووصلتك
عايز تنسحب دلوقت
ووجعي وسهري طول الوقت
برسم بالحروف اسمك
وادون في الكتب رسمك
جناني وعقلي بيك انت
دموعي وضحكتي انت
واهلي وعزوتي انت
سنين مرت اهي اتكرت
بحلم وبصحي اشتريك وانت
سايبني بين عنيك انت
وحابس قلبي من امتي
لو هتسيبني يامعذبني
روح انت ؟
انا باقي علي الباقي م الحنين وانت
حابس قلبي من امتي
وماوصلتش ومافهمتش
ليه ديمابجيب سيرتك
وحلمي افك في دفيرتك
واعيش فرحك وتسريرتك
ابقي اذكرني من فضلك
ووعد خلاص ماجيب سيرتك
ولاهحتارانا لغيرتك
يمكن عشان انا اخترتك
وكبرتك رماني هواك لسنرتك
قاعدارسم بالحروف اسمك
وادون في الكتب رسمك
اكلم مين واحن لمين
يا حب حزين واخدني سنين
لتنهيدي ولا بأمري ولابأيدي
ياغربه في العناد زيدي
وعلي النبض في وريدي
تركني وراح وساب ايدي
وفين فرحي وفين عيدي
بقالي سعات وجع وسكات
ماجاتني رساله في بريدي
قاعدارسم بالحروف اسمك
وادون في الكتب رسمك
متي هتجيني ياسيدي
 
بقلم الشاعر : شريف الشاعر.